Cerkak Basa Jawa "Kekarepan"

KEKAREPAN

       “Anwar budhal sekolah Mak assalamualikum” Aku pamit ning Emak

“waalaikumsalam le, ati-ati” saurane Emak

Aku mancal sepedah pancalku menyang Bantengan banjur tak titipne ning omahe Pak Slamet.Pak Slamet kuwi dodolan bakso ning ngarep omahe, wonge rodok lemu, kulite rupane ireng, lan rambute kriting.Aku mbendina nitipne sepedaku ning omahe. Karo ngenteni kol mesti tak sambi karo sinau,Aku uduk bocah pinter nanging Aku bocah sregep, dadi Aku seneng maca buku ning wektu luangku.

Akhire kol jurusan Durenan sing tak enteni saiki wis teka, Aku banjur mlebu ning jero, sakjane Aku pengen kol e budhal saiki tapi jenenge kol mesthi ngenteni peumpang disik. Saya suwi kol e bek, ana emak-emak, embah-embah, bocah sekolah lan liya-liya.Merga wis bek penumpang kol e budhal menyang Durenan, ning pikiranku ming siji “Aku mengko mesthi kasep” tapi kui wis biasa, bendina Aku kasep, bendina Aku mlebu sekolah kaya maling merga ora pengin konangan. Kira-Kira 15 menit Aku teka Durenan ongkose 3000 kanggo bocah sekolah. Aku isik kudu ngenteni bis arah Tulungagung liwat.Wektu ngene iki takgunakne maca buku, ngenteni bis kuwi isa luwih suwi timbang ngenteni kol, isa luwih sedilut, paling suwi isa nganti setengah jam, dina iki aku beja urung ana limang menit bis harapan jaya liwat, Setengah mlayu Aku munggah bis banjur lungguh.

“Karcis baru-baru..karcis baru- baru” suwarane kernet ngiderne karcis “SMA Gondang Pak” sauranku ning kernete, banjur tak ngehne dhuwit 3000 ning kernete. Tak terusne anggonku maca buku karo ngenteni bis e teka gondang, saktekane ning SMA Aku nyawang gerbang wis sepi tandane saiki wis masuk jam pelajaran.Pak Samidi wis ning pos karo maca koran. Ora entek akal Aku mindik-mindik ning pager siseh kulon,tasku tak uncalne mlebu. Aku ora mungkin  langsung mlebu liwat gerbang ngarep Aku kudu ngenteni bocah metu photocopy disik banjur aku isa mlebu bareng. Urung suwi Aku ngenteni, Maryam karo Sri metu.Maryam karo Sri kuwi bocah kembar, Maryam bocahe cendhek, rambute lurus, kulite putih kaya bocah wedok umume, untune rada njengat, lan irunge pesek, bedha karo adike, Sri kuwi duwur, lan ayu, pokoke raine ora mirip karo mbake.“He cah,,” Aku nyelok Maryam Karo Sri “kasep maneh War? bendino kok kasep” saure Sri “laiya to War, kowe lagi ngenteni barengan mlebu ta? ayo bareng Aku karo Sri” omonge Maryam“hooh cah Aku kasep maneh” sauranku. Maryam karo Sri wis apal banget karo Aku dadi Aku ora bakal diomongne Pak Samidi.

            Ya wis ngono kuwi sabendino angele yen arep budhal sekolah.Aku anake wong ora duwe, tunggalku ana 5 lanange 4 wedoke 1 Aku anak sing keri dhewe mas-mas lan mbakku wis rabi kabeh. Aku duwe kepenginan yen lulus SMA Aku pengin kuliyah ning kutha, lan isa sukses.Bapak duwe montor 1 vespa elek olehe nukokne anake sing disek dewe Aku ora oleh gawe montor kuwi budhal sekolah merga digawe bapak kerja. Bapaku kerjane dodolan jamu, saiki lagi usume kapulaga.bapak biasane golek kapulaga teles saka ponorogo, kapulaga kudu dipepe disik, bar kwi disilir ben resik lik wis ngono kapulaga diadahi keba lan isa dikirim. Dadi yen aku mulih sekolah aku kudu ngewangi bapak nganti sore.

Bapak mesti ngomong karo Aku yen urip kuwi ora usah mikir adoh adoh, ya wis opo urusane dina iki dilakoni wae sesuk piye? Yo dipikir sesuk.Aku duweni cita-cita sing duwur yen ora dipikir kawit saiki piye? Aku saiki wis kelas 12 SMA ora nganti 4 sasi maneh Aku lulus terus piye kelanjutane ? pitakon-pitakon kuwi mek tak simpen wae ora tau tak ungkapne.

      Dina dina tak lakoni Aku wis ora semangat sekolah merga Bapak ora tau nyinggung kelanjutanku sekolah dadine ning pikiranku aku ora bakal isa nerusne sekolah. Wis meh 3 minggu Aku ora sinau bijiku praktek akhir elek-elek kabeh tapi ora dadi pikir.

Kabeh angen-angenku isa kuliyah lan dadi wong sukses wis tak pendem jeru saiki aku wis lulus SMA penggaweanku mung nig omah ngewangi bapak kawit isuk nganti sore, ning endi-endi bapak kerja Aku mesthi di ajak.

Karo mlaku  Aku malih isa dagang, yen Bapak pas ora mepe jamu Aku dodolan es lilin nig SD. Wis isa golek dhuwit dhewe kuwi ning ati rasane marem angen-angenku saiki wis ganti aku saiki mikir piye carane Aku isa dagang barang sing untunge luwih gedhe saka dagang jamune Bapak.

Wis meh 4 sasi kawit aku lulus sekolah Aku ning omah lagi ngitung duwit ning omah. Tibake dina iki Kang Ikin mulih saka Sumatra, Kang Ikin yaiku kakangku sing nomer siji deweke kerja ning pabrik kertas sing manggone ning Sumatra  uripe biyen luwih sara tinimbang Aku malah Kang Ikin kuwi mik lulusan SMP nanging saiki Kang Ikin wis rabi lan duwe omah dhewe.

Kang ikin mulih kuwi ora mung pengin mulih nanging karo ngongkon Aku kuliyah “war kowe saiki wis lulus SMA, kowe kudu nerusne kuliyah” Aku mung isa nyauri iya mergane aku wedi diseneni Kang Ikin. Sakjane saiki Aku wis ora pengin kuliah merga Aku saiki luwih seneng golek dhuwit. Bapak ora samar isa ngragati Aku kuliyah.

      Bengi iki Aku ora isa turu merga Bapak Karo Kang Ikin udur-uduran arepe nguliyahne Aku. “ Kuliyah piye to le,, wong Bapak ki kerjane mik dagang jamu sejene maneh utange Bapak ning bank kuwi urung lunas, arep kuliyah gawe dhuwite sopo” omonge Bapak. Nanging Kang Ikin panggah manteb karo kepinginane. “pun Pak jenengan mboten usah mikir biaya,Insyaallah Kula mangkeh Saget biayani, kampuse pados ingkang swasta mawon biayane radi kedhik terus mangkeh padose teng Surabaya mawon dadose Anwar mangkeh saget kuliyah kalih pados penggawean, teng Surabaya niku pados penggawean kathah dalane, insyaallah saget Pak” omonge Kang Ikin.“ya wis le lik kuwi pinginmu, muga-muga Adikmu isa kuliah nganti lulus, mengko Bapak tak ngewangi biayani” saurane bapak“ Amin Pak matursuwun mbenjing Kula bidhal teng Surabaya kalih Anwar” saure Kang Ikin “ Iya le”.saurane Bapak.

Aku mesakne Bapak lan Kang Ikin Aku saiki malih semangat maneh”Aku ora oleh nyia-nyia kapercayane Kang Ikin lan Bapak ning Aku. akhire bibar tes mlebu kampus Aku ketampa ning UNTAG (UNiversitas Tujuh belas AGustus) malah Aku oleh biya siswa merga bijiku apik.

BIODHATA PANYERAT

Jeneng : Ahmad Fawzi Pratama

Alamat : Ds. Sebalor RT 01 RW 02

No : 082230230510

Email : ahmadfawzipratama@gmail.com

Sekolah : SMAN 1 Durenan

Kelas : XII-A3

Absen : 01