KEKANCAN
SELAWASE
saking
: Devyana Yuli Amaliasari
Dina
iki, Diva duwe niat bakal nraktir kancane amarga dheweke lagi ulang tahun. Jam
3 sore Diva wis ana dalan nuju cafe Jejo kang panggonane ana ing kutha
Trenggalek. Banjur wis teka panggonan, Diva dhewekan lungguh suwi ngenteni
kancane.
Wis sejam kepungkur durung teka-teka. Ya mung hape sing bisa
ngancani kesuwungane Diva, karo mung bisa clingak-clinguk etan kulon lor kidul
ing sawatara Cafe. Saka njaba krungu suwara motor lan akhire kanca-kanca sing
dienteni wis teka yaiku Nada, Rima, Very lan Dilon.
Jam nudhuhake angka papat. Kabeh padha jabat tangan.
"Ana apa ta kok suwi tenan dienteni sejam durung teka?
Ngeneki aku sampe lumuten amarga ngenteni sliramu kabeh cah!" Pangucape
Diva semu gela.
"Haha... ya pangapurane aku mau dadakan dikongkon Ibu
tumbas beras menyang pasar sore," Jawabe Nada.
"Lha liyane? Awakmu nyangopo ya suwi pisan Rim? "
pitakone Diva
"Owalah Div, iki mau dalane Ngadirenggo macet amarga ana
becekan," Jawabe Rima
"Bener kuwi Div," ujare Very
"Kowe barang kuwi Ver, lanang adus kok limang jam dhewe
pancen ngalah-ngalahne perawan," ujare Rima guyon
"Halah alah... aku adus sakjam wae ya diarani limang jam,
pancen ngawur kowe kuwi" jawabe Very bales guyonane Rima.
"ya padha ae ta lah, sejam iku suwi banget"
"Lha tinimbang kowe, menyang cafe wae dadak gawe gincu
kandel kok kemayu, arep mbecek opo piye ta hahaha?" Balese Very ora gelem
kalah
"Heh ya rapapa ta wong wadon macak kuwi wajar,"
Jawabe Rima semu gela.
Kanca-kanca
liyane amung ngerungokake debate Rima lan Very karo guyu ngakak.
"Uwis ta cah lekmu udur, aja kaya cah cilik . Ayo gek
ndang lesen panganan selak wengi," panjaluke Dilon.
Banjur Diva pesen panganan. Ora let suwi arepe mbalik lungguh,
Rima sing lagi nyekel Donat kabehe
sepulih biji, mara nuju Diva, Nada, Very lan Dilon nyanyekake lagu marang Diva, "Happy
birthday to you, happy birthday to you." Banjur Diva nyebul lilin sing ana
tulisane angka wolulas. Diva kaget tur marem amarga oleh Surprise / kejutan
saka kanca-kancane. Donat mau banjur dipangan bareng-bareng.
Pancen ya enak tenan, donat gaweyane Mak Pingah Kelutan sing
regane telung ewu iki. Rasane ana papat yaiku coklat, kacang, keju lan nanas.
Donat sing paling disenengi Diva ya iki. Saben mulih saka pawiyatan, dheweke mesthi
mampir tuku donat menyang kene.
Sajak kerepe Diva tuku donat, dheweke diwenehi bonus donat
sakbiji saka Mak Pingah. Mula Diva ngucapake matur suwun. Pancen apikan tenan
Mak Supat iku, awehan tur sumeh marang wong liya.
"Ngomong-ngomong iki donat tuku ing endi to cah?,"
pitakone Diva
"Kuwi lho ing rokone Mak Pingah, Div. Geneya?"
Jawabe Rima banjur nerusake Pitakon.
"Owalah pantes wae yen rasane enak tur empuk. Iki donat
sing palibg daksenengi,"jawabe Diva
Uwis sakjam kepungkur, suwara adzan maghrib wis kumandhang.
Diva lan kanca-kanca cepak-cepak arep bali saka Cafe Jejo. Banjur mlaku ing
parkiran ngarep lan numpaki kendaraane dhewe-dhewe. Mari kuwi bablas Jamaah
sholat maghrib menyang Masjid. Sawise nindhakake Jamaah Sholat Maghrib, Nada,
Diva lan kanca-kanca banjur mulih ing omahe dhewe-dhewe.
Esuk iki Diva lagi sibuk resik-resik kamar. Kebeneran dina
kuwi dina minggu, dadi Diva akeh wektu kanggo resik-resik kamar. Lagi
nedheng-nedhenge mranata rak, buku karo ngrungokake radio, ujug-ujug hapene
Diva muni "kling-kling..!" Ana whatsApp mlebu sajake.
Diva kelingan yen esuk iki janji arep mlayu-mlayu menyang
lapangan Stadion Minak Sopal Trenggalek, karo kancane cah lima ora liya yaiku
Rima, Nada, Very lan Dilon. Diva pancen duwe pakulinan lali yen ora dielingake.
Sawise adus, Diva ngetokake tumpakan yaiku Scoopy ireng putih.
Diva ngenakake klambi coklat tuwek, suwal Ireng Lan jilbab
Abang supaya yen keringeten ora bakal ketara amarga Klambine Peteng. sakdurunge
Budhal, Diva ngaturaken Ibu Rumiyin, Salim banjur ngucapaken salam, "Bu,
Diva bidhal olahraga rumiyin wonten Stadion Assalamualaikum," pangucape
Diva dhateng ibu.
"Iya nak, Waalaikumsalam. sing ati-ati yen numpaki motor
aja ngebut-ngebut,"dhawuhe ibu.
"Inggih Bu." sumaure Diva.
Sawise Diva lan Nada tekan stadion, banjur mlayu-mlayu dhisik
amarga kanca-kanca liyane durung teka lapangan stadion. Wis oleh limang
ubengan, Diva lan Nada leren sadhela lan ngombe banyu putih.
"Nad, kae sing ngenakake klambi kuning ndak ya Maulana?
Bocah sing ndemeni kowe rong tahun kepungkur tapi mbok siya-siya."
Pitakone Diva lan nerusake omongan.
"Dhuh... iya ya kuwi kaya Maulana. Aku ra ngiro yen saiki
dheweke malih bagus lan gagah kaya saiki. Sebenere dheweke pernah nembak aku
tapi tapi daktolak," jawabe Nada semu gela.
"Ya coba diampiri kana dhisik, kelingan opo ora karo kowe
pisan karo silaturrahmi.”
Banjur
Nada ngampiri Maulana.
"Assalamualaikum."
"Waalaikumsalam. Sinten nggih?" Jawabe Maulana
bingung
"Iki aku Nada khairunnisa, kancamu mbiyen nang SMP."
"Owalah sampeyan to, pangkling aku. Piye-piye kabare
Nad?" Pitakone Maulana.
"Kabarku apik mas. Eh iya iki Diva," pangucape Nada.
"Tepangake aku Diva. Isih kelingan ora karo aku?,"
pitakone Diva marang Maulana.
"Owalah Diva Permatasari. Isih lah wong awake dhewe kuwi
sekelas ana SMP," jawabe Maulana.
"Syukur lek ngono.
Mendhunge sajake uwis peteng, aku karo Nada mulih dhisik wae ya.
Assalamualaikum," ujare Diva.
"Waalaikumsalam," jawabe Maulana karo mesem sithik.
Diva lan Nada ora weruh yen Rima, Dilon lan Very uwis teka
stadion kawit mau, amarga lagi
omong-omongan karo Maulana. Jam wis nudhuhake angka Wolu. Nada, Diva,
Rima, Very lan Dilon pethukan ing njaba stadion banjur mampir ngandhok rujak
ing warunge Bu Supat, Panggonane ora adoh saka stadion, kira-kira 200 meter.
Ing kana, bocah enem kuwi guyon-guyonan, enek wae sing arep dicritakake.
Amarga kanca kuwi yen wis kadhung cocok tur trep, tetep bisa
bebarengan kajaba yen wis wayahe manjing ngejar cita-cita. Yen duwe kanca sing
tansah nulungi marang kabechikan, mula ngucapna matur suwun lan nyepengi tangan
kanthi rapet, amarga nemokake kanca angel nalika ninggalake iku gampang.
R A M P U N G
BIODATA PANYERAT
Jeneng : DEVYANA YULI AMALIASARI
Alamat : RT:17 / RW.08 Desa
Krandegan, kec. Gandusari, Kab. Trenggalek
nomer HP : 082244517993
E-
mail : Devyana1999@gmail.com
Pawiyatan : SMAN 1 DURENAN
Tataran : XII
IPA 3
Absen :
12
Tidak ada komentar:
Posting Komentar