BAKTIKU MARANG KULAWARGA
Ning sawijining dina minggu . Ana bocah loro,
mbakyune sing keparing jeneng Sela lan
adhine jenenge Kevin mlaku tumuju menyang pasar ing desane . sawise dheweke
teka ana ing pasar , mengkana dheweke langsung milih milih sayur apa sing
dibutuhake . Nalika Sela milih sayur , adhine sing kawet mau panggah nguwasne
sandal ning toko ngarepe anggon Sela milih sayur.
Dheweke banjur nangis njalok sandal anyar. Sandale
adhine pancen wis ora ana rupane. Adhine sing umure 5 taun. Sela tresna banget marang
adhine. Merga iku adhi siji sijine. Sela saking kulawarga sing ora mampu, bapake
kerja dadi buruh bangunan , lan ibune dadi tukang ngumai ing desane.
“ Mbak,tumbasna sandal sing werna biru kui
loh, ketone kok apik temen”
. njaluke kevin sing arep nangis.
“ Mbak
ora nduwe duwit,vin. Iki wae duwite arep digawe tuku sayur tok”. jawabe sela sing trenyuh nyawang adhine.
Senadyan ora ditukokake, Kevin banjur meneng
lan bisa nrima . bocah cilik kui wis ngerti angger uripe sing rekasa, kanggo mangan
wae isih kurang apa maneh gawe tuku sandal .
Sawise saking pasar lan tuku sayur. Sela lan
adhine bali menyang omahe sing kaya gubuk. Nanging panggah endah angger disawang , amarga Sela iku bocah sing sregep
lan manut marang wong tuwane. Omahe saking pring sing dianyam lan atepe wis
padha rapuh dipangan rayap, nanging ngarep omahe akeh wit kemang sing wis padha
mekar.
Senadyan Sela iku saking kaluarga sing ora
mampu. Nanging bapake kepingin Sela dadi wong sukses lan kepingin nyekolahake nganthi
perguruan tinggi. Bapake ora
gela amarga Sela iku bocah pinter ing sekolahe.
Wengine pas Sela arep sinau lan bapakke sing nembe bali kerja . bapakke marani
Sela.
“Sel,kowe kudu dadi wong sing gedhe lan bisa ngluwihi
bapak sing mung
dadi buruh bangunan,” ngendikane bapakke
Selasa
“nggih pak, niki kula ajeng usaha,”
Esuk esuk sing atis banget Sela wis tangi lan
nyiapake sepeda sing arep dienggo menyang sekolah. Sela banjur mangkat esuk
amarga Sela arep melu lomba Cerdas Cermat sing dienekake sekolahe. Sawise apa
sing kudu diutuhake Sela wis nyepak kabeh, semana uga Sela banjur ora bakal
lali yen kudu pamitan karo wong tuwane .
“Pak , buk , kula badhe bidhal rumiyi n. Mugi mugi kula saged keparing juara lomba lan saged mundhut
sandal ndamel Kevin,”. Pamite Sela karo salaman
marang wong tuwane.
“Ya, amiiiin . ati ati ya Sel . muga muga
usaha lan ikhtiarmu kasil . bapak
lan ibumu ya gur weneh pandonga teka kene,” ngendikane bapakke dening anak mbarepe.
“mbak , mengko tuku sandal ya ?” adhine sing
sumringah ngerti angger arep
ditukokake sandal anyar.
Tibaning sekolahan. Sela ndredek kanthi banget
amarga sekolahe wis rame lan ana peserta liya sekolah. Ing sekolah uga dipasang
umbul umbul werna werni, tembok sekolah wis dicet werna ijo tur ketok asri lan
apik.
Ing lomba Sela bisa njawab soal sing
diwacakake dewan juri nganthi manteb tur bener. Saiki banjur wis wayahe pengumuman
juara, ora ngira sing oleh juara 1 kuwi ya pas Sela . Sela banjur langsung
ditimbali munggah menyang panggung . Sela langsung nerima piala lan amplop sing
isine piagam lan duwit pembinaan. Sela banjur bali menyang omah karo sumringah
“Assalamualaikum. Bu, pak.”
“Wa’alaikumsalam. Ana apa Sel ?” pitakone ibune
Sela
“bu , alhamdulillah kula angsal juara 1 lan
Kevin bakal nduwe sandal anyar.”
“Alhamdulillah ya nduk, Anakke ibuk pinter
temen. Ibune tambah sayang
marang kowe nduk.” Ngendikane ibune sing sumringah lan bangga.
Sore sore , sawise ganti klambi lan sawise
padha semahyang . Sela banjur ngajak Kevin adhine menyang pasar tuku sandal anyar.
Mangkana kevin seneng banget dijanjeni mengkana uga . banjur Kevin enggal enggal
ganti klambi amarga dheweke ora sabar nduweni sandal sing dikarepake dhek minggu
kepungkur.
Langsung wae Sela lan Kevin budhal menyang
pasar mlaku. Amarga panggone pasar lan omahe ora adoh adoh banget . sejene kuwi
sadurunge Sela lan Kevin budhal menyang pasar, dheweke ora lali karo apa tugase
ing omah . yaiku resik resik omahe . senadyan Sela iku bocah sing kenek diarani
resikan . masia dheweke nduweni kaperluan
, dheweke ora bakal lali karo apa sing kudu dilakoni
Ora lali Sela lan Kevin pamitan marang bapa
lan ibune budhal menyang pasar.
“Pak. Buk . kula bidhal kalih mbak Sela.”
“wo... iya le, sing ngati ngati lo ya.”
“nggih pak . Assalamualaikum.”
“waalaikumsalam le.” Dhawuhe bapak lan ibune
karo ati sing bungah lan marem
Langsung wae Sela lan Kevin tumuju menyang toko sing weruh anggone sandal sing dikarepake
Kevin.
“wonten kersa napa mbak ?” takone ibuk ibuk
sing dodol.
“niki buk. Badhe ningali sandal ndamel adhike
“
“nggih.. mangga ... mangga.. ...“
“kepengen sandal sing werna apa vin?” pitakone
Sela marang adhine.
“sing werna biru mbak”
Banjur
Sela langsung wae tuku sandal sing dipingini adhine. Ing njero atine Sela lega
amarga wis bisa nuruti kepinginan adhine nganggo jerih payahe dhewe.
“Matur Suwun ya Mbak sel.”
Atine Sela tambah bungah .
RAMPUNG
BIODATA PANYERAT :
·
Jeneng : Anggi
Rizki Prabandari
·
Alamat : Ds.Durenan , Kec.Durenan
, Kab.Trenggalek
·
Telp : 0895397070811
·
E.mail : anggir088@gmail.com
·
Sekolah : SMAN 1 DURENAN
·
Tataran : XII IPA 3
Tidak ada komentar:
Posting Komentar