Cerkak Basa Jawa "Aja Salah Tampa"

                          ****Aja salah tampa**** 

Dening : IMROATUSSOLIKAH

            Ing sawijining waktu,  bocah sekolah sing dilut engkas arep nglasanakne ujian padha mbingungi,   ana sing wedi ana sing durung siap ujian,  pokok e enek ae kelakuan e bocah bocah kui kayata sahabat 3 iki,  Susan,  Pipit lan Galih. Bocah bocah kui padha sregep sinau ben oleh nilai sing apik lan maremne tiyang sepuh e,  ora gur pas ujian tok bocah bocah kui sregep,  tapi nalika sabendinane bocah bocah kui mesti sregep, ngerjakne tugas,  ngerjakne PR lan sapanunggalane.

“pit ,piye iki pit keri patang dina meneh awake dewe Ujian,” kandane Susan karo aku. ”Hayo piye?, yo sinau ta ben isoh!” jawabku. Bel masuk wes muni. Rung ana telung menit lebar bel Pak Gunawan wes rawuh. Pak Ketua, doni langsung nyiapke kabeh murid ndonga arep pelajaran. Sakwise berdo’a, “kepada Pak Guru hormat grak”, suarane Doni sing lantang lan tegas. “ Tegap grak” ngunu lanjute.

  “oke, assalamu’alaikum warohmatuloohi wabarokatu”,sapa Pak Gunawan.

  ‘’wangalaikum sallam warrohmatullohi wabarokatu”, jawabe murid-murid.

Pak gunawan iku guru matematika, beliau iku tegas,tur biasane disapa Pak Gun.

Pelajaran wes dilekasi,  Pak Gun nerangke kabeh bab IV. Susan bingung, “aku kok durung dong – dong yo pit?”, omonge Susan karo aku lirih-lirih.

Takon Pak Guru wae!”, saranku. Nanging Susan mung meneng wae. Ketoke Susan ora wani takon.

Pelajarane Pak gun wis rampung. Lebar PAK Gun metu, susan takon karo aku. Susan takon carane nggarap soal sing mau. Mestine susan tak warai. Rung rampung leh ku marai Bu Sri wis rawuh. “ le marai teruske ngko meneh ya”, jare Susan. Aku ya mung manut wae. Bu Sri le mulang ngasi mbengok-mbengok, masalahe muride padha rame kabeh. Susan barang ya melu rame. Aku ngunu ora meng kadang-kadang le gojek.

“ hey-hey, diam, diam semuanya”, Bu Sri.

Kabeh murid pada meneng, urung ana limang menit Bu Sri ngajar wes pada rame meneh koyo pasar.

“Hey-Hey, diam bisa tidak?, padha niat sekolah ora nek ora metu wae, rasah ngganggu kancane sek pengen isoh”. Wah galake Bu Sri soyo metu. Ngasi rampung pelajaran kabeh murid padha, anteng ,meneng, nggatekke pelajarane Bu Sri. Bu Sri seneng nek suasanane kelas kondusif, tur ya muride podo dong kabeh.

Saiki wayahe ngaso, aku kelingan yen Susan arep ngedongke bab IV matematika.

“sida neruske leh mu takon mau rag San?’’, takonku marang Susan.

“sesuk apa kapan wae ya, aku males wae. Jajan sek wae yo, ngeleh aku”, jawabe Susan.

“yo wes lah jajan sek”. Aku mung manut karo Susan ,kan seng butuh reti Susan uduk aku.

Ngasi ngaso pindo Susan rung takon meneh, mungkin wae Susan wes dong.

“kulo seng asli niku mboten tek seneng leh Susan, amargi pendak pelajaran nopo mawon sek digarekke karo guru-guru mung Susan. Susan ki wonge caper,lebay,alay,nggeh niku seng marakke kulo mboten seneng, apa malih yen kulo lagi dipertanyai kaleh dwija, mangke seng jawab Susan, sanes kula. Maksud kula Susan niku kerep banget ngrebut jatah soal ngge kulo, bu”, curhatku marang Bu Bk. Aku neng ruang Bk dewe, ra mungkinlah karo Susan.

“Pipit, saiki kowe teka sabar sek wae, Susan tok nengke wae sek. Omong apik-apik ro Susan tentang kui, mengko Susan ndak lara ati”, iku sarane Bu Bk.

“Nggeh Bu”jawabku.

“Yo wis saiki mantuk sek, ndak digoleki ibu’ kok ora lek bali saka sekolah”, lanjute Bu BK.

“nggeh Bu” jawabku meneh.

Sedino meneh UAB,  utawa Ulangan Akhir Bulan. Sik diujikan iku bahasa indonesia, bahasa inggris, IPA, lan Mateamaatika. Wes ngasi yahmene Susan urung takon matematika sing mbiyen. “A........yo luweh ora takon aku”,batinku. Sedino iku aku ora omongan karo Susan meneh. Susan ya ora ngejak aku omongan kok. Aku ya ora nyobo omongan karo Susan sing disaranke Bu BK.

Bel pindo ,tandane ngaso. Aku ora jajan bareng Susan, Susan ngejak aku jajan, neng aku wegah. Aku jajan bareng Galih. Ngasi wayahe bali aku ora omongan karo Susan.

“apa Susan ngerti curhatku marang Bu Bk yo?’’ pikirku.

Sakwene neng dalan aku bali sekolah aku mung mikirke kui. Nek susan ngerti piye ya??. Aku kon kudu piye? Aku bingung.

Dina wis ganti, saiki wektune UAB. Aku ora sak kelas karo Susan Aku nggarap soal kanti PD. Aku nggarap ora ana masalah, lancarlah . aku nggarap soal ora nurun,jujur. UAB pertama aku ora pethuk Susan. Ngasi UAB ke-papat aku yo ora kepethuk Susan meneh.

UAB wes rampung, bijine y wes dumumke kabeh.Yess!! bijiku apek kabeh, ya alkhamdullilah. Aku seneng aku ranking II,  aku nliti bijine Susan beda adoh, susan ranking 30. Aku bangga isoh luwih apik saka Susan. Neng aku ya ora entuk sombong.  Aku ya urung puas karo biji semunu, tur lagi ranking II.

Wayahe ngango pisan aku lungguh neng garep kelas dewe. Karo mangan panganan. Aku wis ora mikirke Susan meneh, aluweh. Niatku iku mung arep nglaleke Susan.

Pra nyono ora ngiro, Susan mara lan lungguh neng jejerku. Susan kanda yen deweke njaluk ngapuro karo aku. Aku bingung kudu piye ,masalahe aku ki arep melupakan Susan begitu. Galih banjur mara lan omong, “Pit, yo dingapuro ta Susan , mesalke lo Susan nek ora dingapuro”. Aku  mung meneng wae. “Pit”, lanjute Galih.

“kowe lak wis ket kelas pitu ta kancanan karo Susan, telung tahun Pit, mosok arep tok pedhot ngunu wae, dosa lo memutuskan tali silaturahmi ki Pit”, lanjute Galih meneh.

“ ok ok, la Susan ki ngopo njaluk ngapuro karo aku barang??”, pitakonku karo Galih.

Susan mung mesem wae. “Aku ngerti pas kowe curhat neng BK Pit”, jare Susan. Aku mung meneng wae.

“Pit, pliss ya aku dingapuro, Pit”, jalukke Susan.

Susan karo Galih mung ndeloke aku. Aku bingung. Pancen bener wis telung tahun aku kancanan karo Susan. Akhire aku ngenei ngapura marang Susan. Aku ya njaluk ngapura marang Susan lan Galih yen aku duwe salah.

Ngasi saiki ,aku Galih, lan Susan kancanan raket. Aku seneng bisa nduwe kanca kaya Galih lan Susan.

Pesan :

Mangkene iki sing gawe seneng ati, bisa bareng bareng ambi kanca kancaku.  Ojo tau prasangka elek marang kanca,  apa meneh karo kanca sing wis suwi kekancan karo awakmu,  lan siji meneh ojo sampek medot tali silaturahmi karo kanca kancamu 😊